Les mots surlignés font l'objet d'une note
1Monseigneur, suyvant vous lettres nous avons
2balié largent du boys de la garenne de Terifort
3à monsieur Jehan de Leglise, ensemble la somme de
4troys centz quatre vingtz et deux livres en dedution
5de votre rante de Bully pour le terme de la Sainct-Jehan
6dernier. Ledit sieur de Leglise ayant visité votre bien
7et meme le grand deluge quavoit faict la
8rivière en vous prez, et mys ordre de faire faire
9les reparations plus commodes et fort necessaires
10en vousdits prez, aussi en lesgluse de votre molin ;
11et ce pendant que cela ce faisoit, il a esté fort
12molesté dune fiebvre tierce de laquelle il nest
13encores guery.
14Monseigneur, nous n’avons point achepté de toyle
15parce que les foyres estoyent passées en nen hussions
16pas treuvé telles que les fault. Nous les recouvrerons
17par les foyres de Toussainct, sil plaict à Dieu.
18Ledit sieur de Leglise a vendu la couppe de votre boys de
19Sainct-Vy et pour cause de quelques envieux, il a esté
20vendu beaucoupt plus quil ne vault. Medit de Leglise
21Lon luy a monstré les fours qui ont besoing de
23reparation, mais il na volu les donner pour reparer
24sans votre lisence ou de ma dame.
25Aussi, monseigneur, la garesne de Sainct-Vy a besoing destre
26playée et acoustrée pour la tuission des conys. Sil est
27votre bon plaisir de commander de lacoustré, nous en
28ferons notre debvoir ; que sera lendroict,
29monseigneur, où nous prierons Dieu quil vous doint
30sa grace et à nous la votre. De Bully, en votre seigneurie,
31ce 6e septembre 1571.
32Vous très hobeissans serviteurs
33bernard grangier, florys durand et pie[rre]
34Saige